發姣人夫 Flirty Hubby

［韓國人也在排！］
雖然旅遊書有寫，當地電視台亦介紹過，但當講到安國站美食，大家好多時都會prioritize 醬油蟹、鰻魚飯、年糕鍋。而我，每次都一定會食呢間三清洞麵疙瘩！

麵疙瘩外貌平平無奇，但真係好好好好味！湯底夾雜住紫菜、蜆肉、蔥等味道，清甜濃郁，而麵就煮到好淋好入味，口感似雲吞皮，食落去好有家的感覺！麵疙瘩用甕載住，保存熱辣辣溫度，秋冬食真係啖啖滿足，你睇條隊幾長就知幾受韓國人歡迎！

食咗咁多日炸雞、烤肉、辣鍋，偶爾食返餐清而不淡韓國菜，係放入行程嘅不二之選！

#海鮮餅可以唔洗叫
#仲有每檯有泡菜自己refill架
#跟住姣夫去旅行

Tags:

About author

身為人夫仍然發姣，努力護膚，為嘅只係令皮膚由「好差」變到「差」。主張「一個認真護膚嘅男人背後，總有一個識欣賞嘅女人」。從前，爆瘡留痕、油光滿面，污糟邋遢，到今日正正常常，並唔係一朝一夕嘅事。男人要的起心肝護膚，實在需要女人日哦夜哦，軟硬兼施。老婆一句：「你應該做下深層清潔… 你個鼻如果冇黑頭就不得了…」發姣人夫就啟動咗發姣mode，不斷尋求改善皮膚嘅方法，一試，就上癮… 所以，特此開此專頁，分享男生護膚嘅小貼士，鼓勵各位女生分享俾妳隻佬：喂！學下人地啦！利申：發姣人夫仍然係半桶水，但好過咩都唔做啦係咪先！

身為人夫仍然發姣，努力護膚，為嘅只係令皮膚由「好差」變到「差」。主張「一個認真護膚嘅男人背後，總有一個識欣賞嘅女人」。

［韓國人也在排！］ 雖然旅遊書有寫，當地電視台亦介紹過，但當講到安國站美食，...

發姣人夫 Flirty Hubby

About author

［韓國人也在排！］
雖然旅遊書有寫，當地電視台亦介紹過，但當講到安國站美食，...